p.mil.vogl.3.140

Πτολλαρίωνι γεγυμνασιαρχηκότι υἱῷ Πτολλαρίωνος γεγυμνασιαρχηκότος παρὰ Ὀρσενούφεως Κόμωνος τοῦ Ἡρακλήου ἀπὸ κώμης Κερκεσούχων Ὄρους. βούλομαι μισθώσασθαι παρά σου εἰς ἔτη τέσσερα ἀπὸ τοῦ εἰσιόντος ιζ ἔτους Αὐρηλίου Ἀντωνείνου Καίσαρος τοῦ κυρίου ἀπὸ τῶν ὑπαρχόντων σοι περὶ Ἄρεως κώμην κλήρου ἀρούρας τρεῖς ἥμισυ ἐν μιᾷ σφραγῖδι · τῷ μὲν πρώτῳ καὶ τρίτῳ ἔτει εἰς σπορὰν πυροῦ, ἐκφορίου ἐπὶ τὴν διετίαν κατʼ ἔτος σὺν αἷς λήμψομαι σπερμάτων πυροῦ ἀρτάβαις τρισὶ ἥμισυ τοῦ παντὸς κατʼ ἔτος πυροῦ ἀρταβῶν πεντήκοντα δύο ἡμίσους μέτρῳ τετραχοινίκωι ἰδίῳ ὑμῶν · τῷ δὲ δευτέρῳ καὶ τετάρτῳ ἔτει εἰς σπορὰν χόρτου, σεαυτῷ κατασπείρων εἰς κατάβρωμα προβάτων, πάντων ἀνυπολόγων καὶ ἀκινδύνων καὶ ἐπιτελέσω τὰ κατʼ ἔτος τῶν ἀρουρῶν ἔργα πάντα ὅσα καθήκει ἐκ τοῦ ἰδίου τοῖς δέουσι καιροῖς καὶ τὰ ἐκφόρια ἀποδώσω κατʼ ἔτος μηνὶ Παῦνι ἐφʼ ἅλῳ νέα καθαρὰ ἄδολα, τῆς μετρήσεως γεινομένης διά τινος τῶν σῶν, πρὸς ἐμὲ ὄντων τῶν τῆς πυροσπορείας φορέτρων ἐπισπουδασμοῦ, τῆς δὲ παραγωγῆς τῶν ἐκφορίων πρός σε · καὶ μετὰ τὸν χρόνον παραδώσω τὰς ἀρούρας καθαρὰς ἀπὸ θρύου ἀγρώστεως δείσης πάσης πλὴν καλάμου, βεβαιώσεις δέ μοι τὴν μίσθωσιν καὶ καθαρὰν ἀπὸ δημοσίων ἐὰν φαίνηται μισθῶσαι. |gap=3_lines|