bgu.4.1155

κόλλημα Πρωτάρχωι παρὰ Ἀπολλωνίου τοῦ Θέωνος καὶ παρὰ Μάρθας τῆς Πρωτάρχου μετὰ κυρίου Ἡρακλίδου τοῦ Ἡρακλίδου. ἐπεὶ τυγχάνει Ἀπολλώνιος ἐπιδεδωκὼς Ἀρτεμιδώρωι τῷ ἀρχιδικαστῇ τῷ ἐνεστῶτι κ ἔτει Καίσαρος Ἁθὺρ ὑπόμνημα ἀπαίτησιν ποιούμενος παρά τε τῆς Μάρθας καὶ ἔτι Πρωτάρχου τοῦ Πρωτάρχου ἀργυρίου δραχμῶν σ καὶ τόκων, ἅσπερ ὀφείλεσθαι αὑτῷ ἔγραφεν ὑπὸ τοῦ μετηλλαχότος τῆς μὲν Μάρθας πάτρωνος, τοῦ δὲ Πρωτάρχου πατρὸς Πρωτάρχου τοῦ Πολέμωνος ἀφʼ οὗ προίκατο οὗτος πιττακίου μεμαρτυρημένου δὲ διʼ ὧν ἀνήνεγκεν ὁ Πρώταρχος συνχωρήσεων, νυνὶ δὲ εὐπειθὴς γεγονὼς ὑπὸ τῆς Μάρθας ἐπὶ τοῦ κατʼ αὐτὴν μέρους ἡμίσους καὶ ἀπεσχηκὼς παρʼ αὐτῆς διὰ χειρὸς ἐξ οἴκου τὸ ἐν αὐτῇ μέρος ἥμισυ συνχωρεῖ Ἀπολλώνιος μήτʼ αὐτὸς μήτʼ ἄλλος ὑπὲρ αὐτοῦ μηδεὶς ἐπελεύσεσθαι ἐπʼ αὐτὴν μηδʼ ἐπὶ τὰ ὑπὸ τοῦ τετελευτηκότος πάτρωνος Πρωτάρχου ἀπολελειμμένα περὶ τοῦ κατὰ τὴν Μάρθαν μέρους ἡμίσους τοῦ κεφαλαίου χει τῶν τόκων [---] μήτε περὶ τῶν [---] μήτε περὶ ἄλλου μηδενὸς ἁπλῶς ὀφειλήματος ἢ ἀπαιτήματος ἢ ἐγγράπτου ἢ ἀγράφου πράγματος τῶν γενομένων ἀπὸ τῶν ἔμπροσθεν χρόνων μέχρι τῆς ἐνεστώσης ἡμέρας [---] δηλω[---] την[---] τὰ συνκεχωρημένα ἐνέχεσθαι τὸν παραβαίνοντα τοῖς τε βλάβεσι καὶ τῷ ὡρισμένῳ προστίμῳ, μὴ ἐλαττουμένου τοῦ Ἀπολλωνίου ἐν τῇ ἐπὶ τὸν Πρώταρχον ἐφόδῳ περὶ τοῦ ἑτέρου τοῦ κεφαλαίου μέρους ἡμίσους τῶν τοῦ ἀργυρίου δραχμῶν ρ καὶ τῶν τούτων τόκων [---] με[---] [---]