TM 4524
(text of Papyri.info of September 2016)
Hover on a word for more info. Click on it to go to the detail page of the lemma.
bgu.4.1187
Ἀνδρομάχωι συγγενεῖ καὶ στρατηγῶι καὶ ἐπὶ τῶν προσόδων παρὰ Κάστορος τοῦ Πολυδεύκου τῶν ἐκ κώμης Τοκώεως. ὑπαρχόντων μοι ἐν τῆι αὐτῆι κώμηι μητρικῶν τόπων ψιλῶν βίκου ἑνὸς ἡμίσους, ὧνπερ ἡ κράτησις καὶ κυριεία περὶ τὴν μητέρα γέγονεν, καὶ ἐφʼ ὃν περιῆν χρόνον κρατοῦσα δεσπόζουσα ἀνεμποδίστως μηδενὸς ἁπλῶς διακωλύοντος διετέλει καὶ [.........] μετὰ τὴν ταύτης τελευτήν, κύριε, [..........] τὸ προκείμενον [.....] προσπέπτωκέν μοι Σεν[.......] Σεμθέως καὶ Στοτόη Πνε[...] [.]ίωνος τῶν ἐκ τῆς αὐτῆς κώμης ἐξηλλοτριωκέναι τοὺς σημαινομένους τόπους μηδενὸς δικαίου ἀντεχομένας, τῆι δὲ περὶ ἑαυτὰς βίαι καὶ αὐθαδίᾳ συγχρησαμένας, οἰομένας διαλαθεῖν καὶ μὴ ὑφέξειν τὸν περὶ τούτων λόγον. κινδυνεύων οὖν τῶν ἰδίων στερηθῆναι, εἰ μὴ τύχοιμι τῆς παρὰ σοῦ ἀντιλήψεως, ἀξιῶ ἐὰν φαίνηται συντάξαι καταστῆσαι αὐτὰς ἐπὶ σὲ καὶ τυχεῖν με τῶν δικαίων · αὐτὰς δὲ ὧν προσήκει πρὸς ἐπίστασιν ἑτέρων μενούσης μοι τῆς κυριείας καὶ δεσποτείας τῶν δηλουμένων τόπων καθότι καί εἰσιν ἡμέτεροι, ἵνʼ ὦ ἀντειλημμένος. εὐτύχει.Display options
Text:
- semi-regularized text without diacritics (add)
- omitting line breaks (add)
- omitting links to TM Words e.a. (add)
Highlights:
- without highlights of Places (add)
- without highlights of People (add)
- without highlights of Gods (add)
- without highlights of Text Irregularities (add)
- without highlights of Dates (add)
Letters only:
- without exclusive highlights of Formulae (add)