TM 5713
(text of Papyri.info of September 2016)
Hover on a word for more info. Click on it to go to the detail page of the lemma.
sb.5.8756
Ἀνδρόμαχος Ἀρχήβει χαίρειν. τοῦ πρὸς Λεωνίδην τὸν σιτολόγον χρηματισμοῦ ἀντίγραφον ὑπόκειται. Λεωνίδηι. μέτρησον συνεπιστέλλοντος Ἀρχήβιος τοῦ βασιλικοῦ γραμματέως δάνεια εἰς σπέρματα τοῦ εἰς τὸ [.] ἔτος σπόρου Ἀπολλωνίωι Ἡρακλείδου τῶν κατοίκων εἰς τὸν ὑπάρχοντα αὐτῶι περὶ Μοῦχιν κλῆρον κατοικικόν, μεμαρτυρημένωι ὑπό τε τοῦ βασιλικοῦ γραμματέως καὶ τῶν πρεσβυτέρων ἀσθενοῦς διὰ τὴν ἀβροχίαν τοῦ κλήρου εἰς ἄσπορον ἐαθέντος γεωργεῖν ἀρούρας να ? καὶ ναύβιον ἐλασσωθῆναι κατὰ τὰς μεμετριασμένας μετὰ τῆς τοῦ Ἀρχήβιος γνώμης πρότερον ληφθείσης αὐτοῦ χειρογραφίας ὅρκου βασιλικοῦ περὶ τοῦ κατασπερεῖν τὸν γεωργούμενον κλῆρον καὶ παραδώσειν ἐκ νέων ἅμα τοῖς καθήκουσι, ἀνυπόλογον παντὸς ὑπολόγου, πυροῦ ἀρτάβας πεντήκοντα. γίνονται πυροῦ ἀρτάβαι ν καὶ σύμβολα καὶ ἀντισύμβολα ποίησαι.Display options
Text:
- semi-regularized text without diacritics (add)
- omitting line breaks (add)
- omitting links to TM Words e.a. (add)
Highlights:
- without highlights of Places (add)
- without highlights of People (add)
- without highlights of Gods (add)
- without highlights of Text Irregularities (add)
- without highlights of Dates (add)
Letters only:
- without exclusive highlights of Formulae (add)