TM 10314
(text of Papyri.info of September 2016)
Hover on a word for more info. Click on it to go to the detail page of the lemma.
p.cair.isid.104
Αὐρήλιος Χαιρήμων Πτολεμαίου μητρὸς Ταήσεως ἀπὸ κώμης Καρανίδος ταῖς θυγατράσιν τοῦ ἀδελφοῦ μου Κοπρῆ Αὐρηλίαις Ταησίῳ καὶ Κυριλλοῦτι ἐκ μητρὸς Σαραπιάδος ἀφήλιξιν διὰ φροντιστοῦ τοῦ πρὸς μητρὸς θείου Αὐρηλίου Ἀμμωνίου Ἰσιδώρου ἀπὸ τῆς αὐτῆς κώμης ____ χαίρειν. ἐπειδὴ κατέσχον καὶ ἐγεώργησα τρεισκαιδεκαέτει χρόνῳ μετὰ τὴν τοῦ πατρὸς ὑμῶν Κοπρῆ τελευτὴν τὸ ὑπάρχον ὑμῖν ἥμισυ μέρος σιτικῶν ἀρουρῶν δύο περὶ κώμην Καρανίδα κοινὸν πρὸς ἐμὲ κατὰ τὸ λοιπὸν ἥμισυ μέρος οὐσῶν ἀπὸ λιβὸς ἐλαιῶνος Ἁρπάλου ἄνευ ἐκφορίου ἀντὶ τῶν τελουμένων ὑπὲρ αὐτῶν δημοσίων καὶ ἀννωνῶν, ταύτας καὶ ὑμεῖς βουληθεῖσαι κατέχειν καὶ γεωργεῖν ἐπὶ τὸν αὐτὸν ἴσον χρόνον, ἐντεῦθεν τὸ ἀποστάσιον ὑμῖν ποιοῦμαι τῆς γεωργίας ἀπὸ τοῦ ἐνεστῶτος β ἔτους ἐπὶ τὰ ἴσα ἔτη δεκατρία τοῦ ἐμοὶ ἐπιβάλλοντος ἡμίσους μέρους τῶν ἀρουρῶν β ἄνευ ἐκφορίου καθὼς καὶ ἐγὼ ἐγεώργησα, ὑμῶν μέντοι γε πληρούντων τὰ δημόσια καὶ τὰς ἀννώνας κατʼ ἔτος, τοῦ δὲ χρόνου πληρωθέντος ἕκαστον ἡμῶν μέρος ἐνκρατεῖν καὶ δεσποτεύειν τῆς ἐπιβαλλούσης αὐτῷ ἀρούρης μιᾶς καὶ πωλεῖν καὶ μισθοῦν ὡς ἐὰν αἱρ?ῆται. καὶ ἐπερωτηθεὶς ὡμολόγησα. β ἔτους τοῦ κυρίου ἡμῶν Δομιττιανοῦ Σεβαστοῦ Ἁθὺρ κδ. Αὐρήλιος Χαιρήμων Πτολεμαίου πεποίημαι τὸ ἀποστάσιον μετὰ τῆς ἀπολύσεώς μου ἡμίσους μέρους ὡς πρόκιται.Display options
Text:
- semi-regularized text without diacritics (add)
- omitting line breaks (add)
- omitting links to TM Words e.a. (add)
Highlights:
- without highlights of Places (add)
- without highlights of People (add)
- without highlights of Gods (add)
- without highlights of Text Irregularities (add)
- without highlights of Dates (add)
Letters only:
- without exclusive highlights of Formulae (add)