p.mich.6.421

[---][...][---] [.] ἀρο… οε [.] νυκτὶ τη[...........] τοῦ Φαρμοῦθι τοῦ ἐνεστῶτος [........] Κλαυδίου Καίσαρος Σεβαστοῦ Γερμανικοῦ Αὐτοκράτορος, τινὲς λῃστρικῶι τρόπωι διώρυξαν τὴν τῶν ἡμετέρων ὄνων αὐλὴν καὶ ἔνδον γενόμενοι ἀπήλασάν μου ὄνους λευκοὺς δύο τελείους τιμηθέντας δραχμῶν σϙ καὶ ὑπὲρ τούτων ἐπέδωκα τῷ τῆς Καρανίδος ἀρχεφόδωι Πανκράτηι ὑπόμνημα καὶ σὺν τούτωι γεμίσας ἕτερον ὄνον ὕδατος καὶ τροφῶν ἕτερον ἐξωρμήσαμεν, τοὺς αἰτίους ἰχνοσκοποῦντες ὅθεν εὕρομεν τὴν προείαν ⸺ εἰς τὰ μέρηι τῆς Βακχιάδος γεγονέναι ⸺ καὶ πάλιν εἰς τὸ ὄρος. ὁ δὲ τῆς Βακχιάδος ἀρχέφοδος Πασίων καὶ οἱ πρὸς τῇ πύληι ἐκώλυσαν ἡμᾶς ἤδη μελλόντων τοὺς αἰτίους καταλαμβάνειν παρʼ ἑαυτοῖς · κατείχοσαν ἐμέ τε καὶ τὸν τῆς Καρανίδος ἀρχέφοδον καὶ τὰ μὲν ὕδατα κατεάξαντες καὶ τὰς κράνους ἀφαρπάσαντες ἐν συνοχῆι ἐποίησαν ἐφʼ ἡμέρας τρεῖς ἕως μὴ δυνασθῶμεν συνλαβεῖν τοὺς αἰτίους. ἔπειτα ἀπενεγκάμενοι ἡμῶν σαγὰς δύο καὶ τοὺς ἄρτους καὶ μηλωτὴν καὶ χιλωκτὰ δύο καὶ κατῄκισάν με πληγαῖς καὶ εἰποντες ὁ κωμογραμματεὺς καὶ οἱ πρεσβύτεροι ἠνάγκασαν ἡμᾶς ἀπολυθῆναι. ἀξιῶ ἀντιληφθῆναι ὑπὸ σοῦ.