TM 14438
(text of Papyri.info of September 2016)
Hover on a word for more info. Click on it to go to the detail page of the lemma.
sb.14.11374
ἀντίγραφον ἐπιστολῆς. Βαιηνὸς Βλαστιανὸς Φωκέωνι στρατηγῷ Ἀρσινοίτου Θεμίστου καὶ Πολέμωνος μερίδων χαίρειν. τὰ ἐπικεφάλεια τῶν ἀνακεχωρηκότων ἀπόρων συνήθως ἐκ μερισμοῦ εἰσφερόμενα συνχωρῶι πρὸς τὸ παρὸν ἐπισχεθῆναι, ἵνα οἱ ἐν ἀναχωρήσει ὄντες ἐπανέλθωσι εἰς τὴν οἰκίαν καὶ οἱ ὄντες συμμένειν δύνονται καὶ ὅπως τοῦτο πάντες εἰδῶσι τῆς ἐπιστολῆς μου τὸ ἀντὶγραφον προτεθῆναι ἔν τε τῇ μητροπόλει καὶ καθʼ ἑκάστην κώμην. προσήκει δὲ καὶ σέ μὴ μόνον ταῖς τῶν πρακτόρων καὶ τῶν ἄλλων πραγματικῶν προσφωνήσεσει προσέχειν, ἀλλὰ ἐπιμελῶς ἐξετάζειν τίνες εἰσὶ οἱ τῷ ὄντι ἀνακεχωρηκότες τ[.]ς προθέντα καὶ τὴν γραφὴν δημοσίᾳ ἐν ταῖς κώμαις ὅθεν ἕκαστοι ἀνεχώρησαν. εἰ γὰρ πρὸς τὸ παρὸν ἀναγκαία ἐγένετο ὑπέρθεσις τῆς εἰσπράξεως, ἄλλου προνοητέον ἐστίν, μηδὲ ὕστερον τοὺς ἐπιχωρίους καταβαρεῖσθαι εἰσφοραῖς τῶν οὐκ ἀνακεχωρηκότων. ἐρρῶσθαί σε βούλομαι. ἔτους η ὅλων Μεχεὶρ κϛ.Display options
Text:
- semi-regularized text without diacritics (add)
- omitting line breaks (add)
- omitting links to TM Words e.a. (add)
Highlights:
- with highlights of Places (omit)
- without highlights of People (add)
- without highlights of Gods (add)
- without highlights of Text Irregularities (add)
- without highlights of Dates (add)
Letters only:
- without exclusive highlights of Formulae (add)