psi.12.1227

ἀντίγραφον κατʼ οἰκίαν ἀπογραφῆς Ἀντινόου πόλεως. Νικοστράτῳ τῷ καὶ Δημαλίωνι νομάρχῃ Ἀντινόου καὶ Σαραπίωνι Ἰσιδωρας Σαραπάμμωνος Ἀντινοεῖ καὶ Σαραπάμμωνι Ἀσπιδᾶ Ἑρμίου Παρρασίοις καὶ Ἀμμωνίῳ Ὠριγένους [..]υριαδ…, τοῖς γ φυλῆς Ὀσιραντινοείδος αἱρεθεῖσι πρὸς τῇ κατʼ οἰκίαν ἀπογραφήν, παρὰ Οὐαλερίου τοῦ καὶ Φιλαντινόου Φιλαντινόου τοῦ καὶ Νιλάμμωνος Ἡρακλείδου Ματιδείου τοῦ καὶ Καλλιτεκνίου. ἀπογράφομαι κατὰ κελευσθὲν ὑπὸ Αὐρηλίου Οὐηριανοῦ τοῦ λαμπροτάτου ἡγεμόνος εἰς τὴν πρὸς τὸ ἐνεστὸς κη ἔτος Αὐρηλίου Κομμόδου Ἀντωνίνου Καίσαρος τοῦ κυρίου κατʼ οἰκίαν ἀπογραφὴν εἰς τὸ ὑπάρχον μοι πατρικὸν τέταρτον μέρος οἰκίας καὶ αἰθρίου καὶ αὐλῆς ἐν τῷ α γράμματι πλινθείῳ ζ νοτίῳ καὶ εἰμὶ πρὸς τὸ ἐνεστὸς ἔτος ἐτῶν κδ · καὶ γυναῖκά μου Διδύμην ἐτῶν κα θυγατέρα Λυσιμάχου τοῦ καὶ Διδύμου Ἡρακλείδου Ματιδείου τοῦ καὶ Καλλιτεκνείου, καὶ δουλικὸν σῶμα ἐλθὸν εἰς ἐμὲ ἀπὸ κληρονομίας τῆς μετηλλαχυίης μου μητρὸς Κρονιένης τῆς καὶ Ἡρακλείας Ἀντινοείδος Διοδώραν ἐτῶν μβ, καὶ ταύτης ἔνγονον Κοπρίαν ἐτῶν ιε, καὶ ἀπελεύθερον τοῦ ἐμοῦ πατρὸς Σαραπίωνα ἐτῶν λη · ὑπάρχει δὲ καὶ γυναικί μου Διδύμῃ Λυσιμάχου τέταρτον μέρος τῆς προκειμένης οἰκίας ἐν τῷ α γράμματι πλινθείῳ ζ νοτίῳ. ἔτους κη Αὐρηλίου Κομμόδου Ἀντωνίνου Καίσαρος τοῦ κυρίου, Μεσορὴ ιθ.