sb.6.9085inv16048

† μετὰ τὴν ὑπατείαν Φλαυίου Βασιλείου τοῦ ἐνδοξοτάτου ἔτους εἰκοστοῦ τετάρτου Θὼθ ὀκτωκαιδεκάτῃ τεσσαρεσκαιδεκάτης ἰνδικτίονος. † Αὐρηλίᾳ Ἀφθονίᾳ τῇ εὐγενεστάτῃ θυγατρὶ τοῦ τῆς μακαρίας μνήμης Ὑψίστου ἀπὸ τῆς Ἑρμουπολιτῶν παρὰ Αὐρηλίου Βόνου ἐκ πατρὸς Γενναδίου μητρὸς Εὐχαριστίας γεωργοῦ ἀπὸ τῆς αὐτῆς πόλεως. ὁμολογῶ ἑκουσίως καὶ αὐθαιρέτως μεμισθῶσθαι παρὰ τῆς σῆς εὐγενείας ἐπὶ τετραετῆ χρόνον λογιζόμενον ἀπὸ καρπῶν τῆς σὺν θεῷ εἰσιούσης πεντακαιδεκάτης ἰνδικτίονος καὶ αὐτῆς τὰς ὑπαρχούσας σοι ἀρούρας δύο σπορίμης γῆς μετὰ παντὸς αὐτῶν τοῦ δικαίου, μιᾶς μὲν ἐξ αὐτῶν την[.]αμην [...]η σῇ εὐγενείᾳ τῇ εὐγενεστάτῃ σου πατρὶ κατʼ ἔγγραφον δωρεὰν διακειμένας ἐν τῷ ἀπηλιώτῃ τῆς αὐτῆς πόλεως ὑπὸ τὴν παραφυλακὴν τῶν ἀπὸ κώμης Ἐνσεῦ τοῦ Ἑρμουπολίτου νομοῦ ἐξ ἀπηλιώτου τοῦ ἁγίου τόπου καλουμένου τῆς ἀρετῆς εἰς σπορὰν καὶ κατάθεσιν καρπῶν ὧν ἐὰν αἱρῶμαι, φόρου τούτων κατʼ ἔτος σίτου ἀρταβῶν ὀκτὼ καὶ φακῆς ἀρταβῶν τεσσάρων καὶ ἀράκου ἀρτάβης μιᾶς [---]υ καὶ φασήλου ἀρτάβης μιᾶς, ὅνπερ φόρον νέον καθαρὸν κεκοσκινευμένον μέτρῳ Ἀθηναίῳ ἀποδώσω καὶ μετρήσω τῷ Ἐπεὶφ μηνὶ ἐνιαύσιον ἀνυπερθέτως καὶ ἀποκαταστήσω τὸν αὐτὸν φόρον εἰς οἶκόν σου ἐν Ἑρμουπόλει ἰδίοις μου ζῴοις καὶ ἀναλώμασι, παρέξω δὲ κατʼ ἔτος λόγῳ συνηθείας ἀχύρου σιτίνου σαργάνας δύο καὶ φασήλου χλώρου δέμα ἓν καὶ γάλακτος κύθραν μίαν καὶ σταχύων δέματα δώδεκα καὶ λαψάνης ἄγγεια [....] ἡ μίσθωσις κυρία καὶ βεβαία καὶ ἐπερωτηθεὶς ὡμολόγησα. † Αὐρήλιος Βόνος ἐκ πατρὸς Γενναδίου γεωργοῦ ὁ προκείμενος μεμίσθωμαι ὡς πρόκειται. [---] Ἀβρααμίου ἀξιωθεὶς ἔγραψα ὑπὲρ αὐτοῦ γράμματα μὴ εἰδότος. [---] μαρτυρῶ τῇ μισθώσει ἀκούσας παρὰ τοῦ θεμένου. [---] μαρτυρῶ τῇ μισθώσει ἀκούσας παρὰ τοῦ θεμένου.