p.oxy.16.1987_1

† βασιλείας τοῦ θειοτάτου καὶ εὐσεβεστάτου ἡμῶν δεσπότου μεγίστου εὐεργέτου Φλαουίου Τιβερίου Μαυρικίου τοῦ αἰωνίου Αὐγούστου καὶ Αὐτοκράτορος ἔτους ε, ὑπατείας τοῦ αὐτοῦ εὐσεβεστάτου ἡμῶν δεσπότου ἔτους δ, Μεχεὶρ ____ κγ, ἰνδικτίωνος ε. τοῖς ὑπερφυεστάτοις διαδόχοις τοῦ τῆς εὐκλεοῦς μνήμης Ἀπίωνος γενομένου πρωτοπατρικίου γεουχοῦσιν καὶ ἐνταῦθα τῇ λαμπρᾷ Ὀξυρυγχιτῶν πόλει διὰ Μηνᾶ οἰκέτου τοῦ ἐπερωτῶντος καὶ προσπορίζοντος τοῖς ἰδίοις δεσπόταις τοῖς αὐτοῖς πανευφήμοις προσώποις τὴν ἀγωγὴν καὶ ἐνοχὴν Φοιβάμμων ἀντέκδικος υἱὸς τοῦ μακαρίου Σερήνου ἑξῆς ὑπογράφων ἰδίᾳ χειρὶ ἀπὸ τῆς αὐτῆς πόλεως χαίρειν. χρείας καὶ νῦν γεναμένης εἰς τὴν ὑπ’ ἐμὲ γεουχικὴν μηχανὴν καλουμένην Πιτ[..] Ευταρ ἐν τῷ κτήματι Παγγουλεείου μεγάλου ἐργάτου ἑνός, καὶ εὐθέως ἡ ὑμετέρα ὑπερφύεια πρόνοιαν ποιουμένη τῆς συστάσεως τῶν ἑαυτῆς πραγμάτων τοῦτον παρέσχετό μοι διὰ Ζαχαρίου τοῦ ἐνταῦθα μηχανουργοῦ καινὸν ἐπιτήδειον ἀντλητικὸν εὐάρεστον, ἐδεξάμην εἰς ἀναπλήρωσιν πάντων τῶν μηχανικῶν ὀργάνων ἐν τῇ σήμερον ἡμέρᾳ, ἥτις ἐστὶν Μεχεὶρ κγ τῆς παρούσης πέμπτης ἰνδικτίωνος, ὑδροπαροχίας καρπῶν τῆς σὺν Θεῷ ἕκτης ἐπινεμήσεως · καὶ πρὸς ἀπόδειξιν τῆς ὑποδοχῆς ταύτην πεποίημαι τὴν χειρογραφίαν, ἥτις κυρία οὖσα ἁπλῆ γραφεῖσα καὶ ἐπερωτηθεὶς ὡμολόγησα. † † Φοιβάμμων υἱὸς τοῦ μακαρίου Σερήνου στοιχεῖ μοι αὕτη ἡ χειρογραφία ὡς πρόκειται. † γίνεται μέγας ἐργάτης εἷς μόνος. ____ [--------------------]

p.oxy.16.1987_2

† χειρογραφία Φοιβάμμωνος τοῦ αἰδεσίμου ἀντεκδίκου υἱοῦ τοῦ μακαρίου ____ Σερήνου ἀπὸ τῆς Ὀξυρυγχιτῶν μεγάλου ἐργάτου α.