TM 25927
(text of Papyri.info of September 2016)
Hover on a word for more info. Click on it to go to the detail page of the lemma.
p.oxy.8.1153_1
Ἀπολλώνιος Ἀπολλωνίωι τῶι υἱῶι χαίρειν. ἐκομισάμην διὰ Ἡρακλᾶτος τὰς κίστας, σὺν τοῖς βιβλίοις, ὡς γράφεις, καὶ τὸ λεπτίον τὸ ἡμίχουν τοῦ ἐλαίου ὃ γράφει Νικάνωρ πεπομφέναι. μετάδος Νικάνορι ὅτι [.]κεν Ἡρακλᾶς ὁ ναυτικὸς τὰς δραχμὰς ἑξακοσίας μεταβαλέσθαι ἡμῖν ο[.]ιας τῶν φορτίων αὐτοῦ. σήμερον γὰρ παρεγένετο · ἐγὼ δὲ εὑρὼν τὸ πλοῖον καταπλέον ἀναγκαίως ἔδοξα δηλῶσαί σοι περὶ τῶν προγεγραμμένων. κόμισαι διὰ Ὠριγᾶτος καρποδέσμια μικτὰ δύο, ἓν μὲν σανδύκινον καὶ ἓν πορφυροῦν ἃ ἐδωρήσατό σοι Παυσανίας ὁ ἀδελφός σου πρὸ πολλοῦ ἐκ φιλοτιμίας αὐτοῦ κατηρτισμένα, περὶ ὧν κομισάμενος ἀντίγραψον. ἀβόλλην σοι ἐὰν εὕρω ἀγοράσαι ἰδιωτικῶς ἐν τάχει πέμψω, ἐὰν δὲ μή, ἐν οἴκῳ σοι καταρτιοῦμαι. αἱ λώδικες ἐξεταμήθησαν, ὁ δὲ λόγος αὐτῶν, ὡς γράφεις, ὑπὸ Διογᾶτος πεμφθήσεται Νικάνορι διὰ Ἡρακλᾶτος. τῆς γινομένης συνθέσεως τὸ πρόσχρωμον ἐνείλικται τῇδε τῇ ἐπιστολῇ, ὃ δώσεις τῷ Νικάνορι καταμαθεῖν, ἵνʼ, ἐὰν αὐτῷ ἀρέσκῃ, γράψῃ ἡμῖν · οὔπω γὰρ ἐξεδόθη. ἐντοπίᾳ δὲ πορφύρᾳ χρήσασθαι μέλλομεν.p.oxy.8.1153_2
ἔρρωσο. Μεχεὶρ ϛ.p.oxy.8.1153_3
Ἀπολλωνίῳ [...]μ… πρι… τῶν ἐν Ἀλεξανδρείᾳ [....]Display options
Text:
- semi-regularized text without diacritics (add)
- omitting line breaks (add)
- omitting links to TM Words e.a. (add)
Highlights:
- without highlights of Places (add)
- without highlights of People (add)
- without highlights of Gods (add)
- without highlights of Text Irregularities (add)
- without highlights of Dates (add)
Letters only:
- without exclusive highlights of Formulae (add)