p.wisc.2.84_1

|gap=10_lines|

p.wisc.2.84_2

Σεμπρώνιος Σατορνίλῳ τῷ ἀδελφῷ χαίρειν. ἐκομισάμην σου δύο ἐπιστολάς, μίαν μὲν περὶ ὧν ἐδήλωσα τῷ ἀδελφῷ Μαξίμῳ, ἑτέραν δὲ περὶ τῆς κυρίας ἡμῶν μητρὸς ὡς κινδυνευσάσης αὐτῆς καὶ ἀκμὴν διακατεχομένης τῇ νωθρίᾳ. γίγνωσκε οὖν, ἀδελφέ, ἱκανῶς με ἀγωνιᾶν ἅμα μηδὲ τὰς νύκτας κοιμώμενον ἄχρις οὗ μοι δηλώσῃς πῶς διάγει ἐν τούτῳ τῷ ἀέρι. μὴ ληρήσεις ἄχρι οὗ εὕρῃς τὸν πρὸς ἐμὲ καταπλέοντα. παρηγόρησον τὸν ἀδελφὸν Μάξιμον ὡς ἐὰν δύνῃ. ἔγραψα καὶ Οὐαλερίῳ τῷ ἀδελφῷ περὶ τούτου. ἐλπίζω δὲ ὡς καὶ αὐτὸς οὐκ ἀγνοεῖ πῶς χαλεπῶς περὶ [....]ς διάγομεν ἀλλὰ τί ἐκτούτου ὠφελῆσαι δυνηθησόμεθα; οὐ γὰρ μόνος αὐτῆς ἐστερήθη ἀλλὰ καὶ πάντες ἡμεῖς. διὸ οὖν ὡς μηδὲν δυναμένας ποίησαι ἀλλʼ οὐδὲ ὀφέλῃς τὰ ἀνθρώπινα φρονεῖν ἐξαιρέτως ἐν τοιούτῳ καιρῷ. ἔρρωσό μοι.

p.wisc.2.84_3

Σεμπρώνιος Σατορνίλᾳ τῇ μητρὶ χαίρειν. λαβοῦσα ταῦτα γράμματα αὐτῆς ὥρας δήλωσόν μοι πῶς διάγεις, οὐκ ὀλίγως γὰρ ἀγωνιῶ μέχρι οὗ μάθω τὰ περὶ σοῦ. περὶ γὰρ τοῦ ἀδελφοῦ μου Μαξίμου νῦν σοι γράψω ὅπως αὐτὸν παρηγορήσῃς. οὐκ ι[.] ἐκπερισσοῦ [.]ωκω γάρ, φησιν, αὐτὰ τὰ υδ[..]α ἀλλὰ ἡ τοῦ καιροῦ ἀκαιρία οὐκ ἐᾷ με [..]ενόμενος μὴ ἐκ τῆς λύπης εἰς ἄλλο τι καὶ αὐτὸς ἀποτραπῇ. οἶδα γὰρ ὅτι καὶ σὺ αὐτὴ ὑπὲρ αὐτοῦ λυπῇ ἀλλά, δέσποινα, νῆψον διὰ τὰ ἀδέλφιά μου καὶ τοῦτο ἔδει ὅτι ἴσως πεφίληκε τὰς θυγατέρας καὶ [..] ἀδελφὴν Σιβόρραν ἀλλὰ τί δυνάμεθα πρὸς ὃ ὁ θεὸς οὐ δύναται; ἔρρωσό μοι.

p.wisc.2.84_4

ἀπόδος Οὐαλερίωι ἀδελφῶι καὶ Σατορνίλωι ἀδελφῶι παρὰ Σεμπρωνίου [.]