p.oxy.55.3812

Εὐνόϊος Ὡριγένει τῷ τιμιωτάτῳ πλεῖστα χαίρειν. τὸ σπουδαῖον τῶν λόγων ἔργῳ παρεῖδες. ἡμεῖς δὲ τῇ σῇ ἀσχολίᾳ συνγινώσκομεν, ἀλλὰ χρή σε μεμνῆσθαι ὧν ὑπέσχου καὶ σπουδάζειν ἃ ἐπην’γείλω ποιήσειν . |slanting-stroke| ὅτε γὰρ ἐχρῆν ἐν ταῖς γλυκείαις Καλάνδαις ἀποσταλῆναι τὸ μέλι οὗ γλυκίων ὑπάρχεις, σὺ δὲ καὶ περὶ τοῦτο τὸ μέρος ἠμέλησας, καὶ ταῦτα ἡμῶν σε προσδοκώντων ἥξειν εἰς τὴν ἑορτὴν τῶν Καλανδῶν, καὶ ἀφεῖκας τοὺς συσσίτους ’ ἀσίτους. ταῦτα δέ σοι γράφω ἐν’ ἑορτῇ προσπαίζων καί σε ὑπομιμνήσκων τῆς σῆς πρὸς ἡμᾶς σπουδῆς ·|mid-punctus| τὸν ἐπιδίδοντά σοι τὴν ἐπιστολὴν ὡς ἕνα ἡμῶν ἰδέ. ἔστιν γὰρ Εὐνοΐῳ σύντροφος. θεοί σε σώσειαν διὰ παντὸς πανοικησίᾳ. α ἀλλʼ ’ ὅρα μὴ ἀμελήσῃς, κύριέ μου πάτερ. ἐλθὲ ἐπὶ τὸν Εὐνόϊον εἰς τὴν πανήγυριν τὴν τοῦ θειοτάτου ἡμῶν Ἀνούβιδος.