upz.1.7_1

1 Διονυσίωι τῶν φίλων καὶ
2 στρατηγῶι
3 παρὰ Πτολεμαίου τοῦ Γλαυκίου
4 Μακεδόνος τῶν ὄντων ἐν κατοχῆι
5 ἐν τῶι μεγάλωι Σαραπιείωι ἔτος
6 ἤδη δέκατον. ἀδικοῦμαι
7 ὑπὸ τῶν ἐν τῶι αὐτῶι ἱερῶι
8 καλλυντῶν καὶ ἀρτοκόπων
9 τῶν νυνὶ ἐφημερευόντων,
10 καταβαινόντων δὲ καὶ εἰς τὸ
11 Ἀνουβιεῖον, Ἁρχήβιος ἰατροῦ
12 καὶ Μυὸς ἱματιοπώλου καὶ
13 τῶν ἄλλων, ὧν τὰ ὀνόματα
14 ἀγνοῶ. τοῦ γὰρ ιθ (ἔτους) Φαῶφι ια
15 παραγενόμενοι ἐπὶ τὸ
16 Ἀσταρτιδεῖον*, ἐν ὧι κατέχομαι
17 ἱερῶι, εἰσεβιάζοντο βουλό-
18 μενοι ἐξσπάσαι* με καὶ ἀλο-
19 γῆσαι, καθάπερ καὶ \ἐν/ \τοῖς/ πρό-
20 τερον χρόνοις ἐπεχείρησαν
21 οὔσης ἀποστάσεως, παρὰ τὸ
22 Ἕλληνά με εἶναι. ἐπεὶ ο[ὖ]ν
23 ἐγὼ μὲν συνιδὼν αὐτοὺς
24 ἀπονενοημένους ἐμαυτὸν
25 συνέκλεισα, Ἁρμᾶιν δὲ
26 τὸν παρʼ ἐμοῦ εὑρόντες
27 ἐπὶ τοῦ δρόμου καταβαλόντες
28 ἔτυπτον τοῖς χαλκοῖς
29 ξυστῆρσιν. ἀξιῶ οὖν σε συν-
30 τάξαι γράψαι Μενεδήμωι
31 τῶι παρὰ σοῦ ἐν τῶι Ἀνουβιείωι
32 ἐπαναγκάσαι αὐτοὺς τὰ δίκαιά μοι
33 ποιῆσαι, ἐὰν δὲ μὴ ὑπομένωσιν,
34 ἐξαποστεῖλαι αὐτοὺς ἐπὶ σέ,
35 ὅπως διαλαβηι* περὶ αὐτῶν μισο-
36 πονήρως.
37 εὐτύχει.
38 Μενεδήμωι. προνοήθητι ὡς τεύξεται
39 τῶν δικαίων.
40 (ἔτους) ιθ Φαῶφι ιθ.

upz.1.7_2

41 (ἔτους) ιθ Φαῶφι ιη
42 Πτολεμαίου. Μενεδήμωι

upz.1.7_3

τῶν καλλυντῶν