p.lond.3.1023_1

[--------------------]
Αὐρηλίᾳ [.]ι Πινουτίωνος τῇ εὐγενεστάτῃ ἀπὸ τῆς Ἑρμοπολιτῶν παρὰ Αὐρηλίου Ἰωάννου Ἀπίωνος βραδέως ὑπογράφοντος ἀπὸ τῆς ἀυτῆς πόλεως · ὁμολογῶ ἑκουσίως καὶ αὐθαιρέτως μεμισθῶσθαι παρὰ σοῦ ἐφʼ ὃν ἂν βουληθείης χρόνον λογιζόμενον ἀπὸ τῆς σήμερον καὶ προγεγραμμένης ἡμέρας ἥτις ἐστὶν Τῦβι ἑβδόμη τῆς παρούσης πεντεκαιδεκάτης ἰνδικτίονος τὸ ὑπάρχον σοι ἐπιβάλλον καὶ ἀνῆκον μέρος ὁλοκλήρου οἰκίας μετὰ παντὸς αὐτοῦ τοῦ δικαίου τοῦτʼ ἔστιν εἰς τὸ αὐτὸ ἐπιβάλλον καὶ ἀνῆκον σοι μέρος τῆς αὐτῆς οἰκίας ἥμισυ μέρος τοῦ κοιτῶνος ὄντος ἐν τῇ πρώτῃ στέγῃ νεύοντος εἰς βορρᾶ καὶ ἥμισυ μέρος μιᾶς καμάρας ἐν τῷ καταγαίῳ νευούσης εἰς ἀπηλιώτην καὶ ἥμισυ μέρος συ[..]ιας ἐν τῷ δώματι κατὰ κοινωνίαν Εὐρασίας Ἰωάννου εἰς τὸ ὑπόλοιπον ἥμισυ μέρος τῶν αὐτῶν τόπων εἰς συμπλήρωσιν τούτων καὶ τὸ αἱροῦν σοι μέρος τῆς αὐλῆς καὶ τοῦ φρέατος καὶ τοῦ πυλῶνος καὶ τοῦ πεσσοῦ καὶ τοῦ δώματος καὶ τῆς αἴθρου καὶ τῆς εἰσόδου καὶ ἐξόδου καὶ ἀνόδου καὶ καθόδου καὶ λοιπῶν χρηστηρίων πάντων ἀναγκαίων ἐκ τῆς οἰκίας ὁλοκλήρου διακειμένης ἐπὶ τῆς αὐτῆς Ἑρμουπολιτῶν ἐπʼ ἀμφόδου Πόλεως Ἀπηλιώτου πρὸς χρῆσιν ἐμὴν καὶ οἴκησιν ἐνοικίου τούτου κατʼ ἔτος ἀργυρίου ταλάντων δισχιλίων ὀκτακοσίων ὅπερ ἐνοίκιον ἀποδώσω σοι πρὸς λῆξιν ἑκάστου ἔτους ἀνυπερθέτως καὶ ὁπόταν βουληθῇς ἔχειν παραδώσω σοι τοὺς αὐτοὺς τόπους σὺν θύραις ὡς παρείληφα. ἡ μίσθωσις κυρία καὶ βεβαία καὶ ἐπερωτηθεὶς ὡμολόγησα. Αὐρήλιος Ἰωάννης Ἀπίωνος ὁ προκείμενος μεμίσθωμαι ὡς πρόκειται. Αὐρήλιος [---]ης Μηνᾶ ἀπὸ Ἑρμουπόλεως μαρτυρῶ τῇ μισθώσει ἀκούσας παρὰ τοῦ θεμένου. Φλάυιος [---] μαρτυρῶ τῇ μισθώσει ἀκούσας παρὰ τοῦ θεμένου †

p.lond.3.1023_2

μίσθωσις Ἰωάννου Ἀπίωνος [.]