sb.22.15345

ἔτους ἐννεακαιδεκάτου Αὐτοκράτορος Καίσαρος Νέρουα Τραιανοῦ Ἀρίστου Σεβαστοῦ Γερμανικοῦ Δακικοῦ Παρθικοῦ Φαμενὼθ ιβ ἐν Τεβτύνει τῆς Πολέμωνος μερίδος τοῦ Ἀρσινοείτου νομοῦ · ὁμολογεῖ Πρωταροῦς Ὀρσενούφεως τοῦ Μιεῦτος μητρὸς Ἀθήνης ἀπὸ τῆς μητροπόλεως ἀναγραφομένη ἐπʼ ἀμφόδου Ἀπολλωνίου Ἱερακείου ὡς ἐτῶν ἑξήκοντα ἑπτὰ οὐλὴ χειρὶ δεξιᾷ μετὰ κυρίου τοῦ τῆς θυγατρὸς αὐτῆς Κρονίας υἱοῦ Νιννάρου [.........] ὡς ἐτῶν εἴκοσι ἓξ οὐλὴ γαστροκνημίᾳ δεξιᾷ συγκεχωρηκέναι τὴν ὁμολογοῦσαν Πρωταροῦν μετὰ τὴν ἑαυτῆς τελευτὴν εἶναι πρὸ τῆς τοῦ σώματος αὐτῆς ἐκφορᾶς ἐλεύθερον τὸν ὑπάρχοντα αὐτῆι Πρωταροῦτι οἰκογενῆ δοῦλον Εὔπορον μελίχρουν ἐτῶν εἴκοσι τριῶν οὐλὴ ἀγκῶνι ἔγγονον τῆς ὑπαρξάσης αὐτῆς δούλης Ἑλένης ἀρκούμενον ταύτῃ τῇ ὁμολογίᾳ. ὑπογραφεὺς τῆς Πρωταροῦτος Νίνναρος [.........] ὁ προγεγραμμένος. μάρτυρες · Δίδυμος ὁ καὶ Μυσθαρίων Ἡρακλείδου ὡς ἐτῶν νε οὐλὴ θ [....] · Σαβεῖνος Πτολεμαίου [......] · Σουχᾶς Σαβίνου ὡς ἐτῶν λ οὐλὴ γόνατι δεξιῷ · Ἡρακλείδης Ἡρακλείδου ὡς ἐτῶν λ οὐλὴ μετώπῳ · Πτολεμαῖος Ἡρακλήου ὡς ἐτῶν κϛ οὐλὴ [....] · Πάωπις Κρονίωνος ὡς ἐτῶν μ οὐλὴ ὀφρύι [...] · Πρωταροῦς Ὀρσενούφεως τοῦ Μιεῦτος μητρὸς Ἀθήνης μετὰ κυρίου τοῦ τῆς θυγατρός μου υἱοῦ Νιννάρου τοῦ Πτολεμαίου ὁμολογῶ συγκεχωρηκέναι μετὰ τὴν ἐμαυτῆς τελευτὴν εἶναι πρὸ τῆς τοῦ σώματός μου ἐκφορᾶς ἐλεύθερον τὸν ὑπάρχοντά μοι δοῦλον Εὔπορον ἔγγονον Ἑλένης πρὸς αὐτὸν ὄντων τῶν ὑπὲρ τῆς ἐλευθερώσεως τελῶν καὶ δαπανῶν καθὼς πρόκειται. ἔγραψεν ὑπὲρ αὐτῆς Νίννος ὁ προγεγραμμένος μὴ εἰδυίας γράμματα. Δίδυμος ὁ καὶ Μυσθαρίων Ἡρακλείδου μαρτυρῶ καθὼς πρόκειται. Σαβεῖνος Πτολεμαίου μαρτυρῶ καθὼς πρόκειται. Σουχᾶς Σαβίνου μαρτυρῶ καθὼς πρόκειται. Ἡρακλείδης Ἡρακλείδου τοῦ Καλουρίου μαρτυρῶ καθὼς πρόκειται. Πτολεμαῖος Ἡρακλήου μαρτυρῶ καθὼς πρόκειται. Πάωπις Κρονίωνος μαρτυρῶ καθὼς πρόκειται. [..................................................] [--------------------]