p.tebt.1.32_1

Ἀρίστιππος Εὐμήλωι χαίρειν. τῆς παρὰ Παγκράτους τοῦ πρὸς τῆι συντάξει τῶν κατοίκων ἱππέων γεγραμμένης ἡμῖν ἐπιστολῆς ὑπόκειταί σοι τὸ ἀντίγραφον. στόχασαι οὖν ὅπως μὴ παρενοχλήσῃς τὸν Ἀσκληπιάδην εἰς τὰς ἐφοδικὰς λειτουργίας. ἔρρωσο. ἔτους λϛ Παῦνι [..] Παγκράτης Ἀριστίππωι χαίρειν. ἧς γεγράφαμεν ἐπιστολῆς [......]ι τῶι βασιλικῶι γραμματεῖ τὸ ἀντίγραφον ὑποτετάχαμεν ὅπως εἰδῆις. ἔτους λϛ Φαμενὼθ [..] [......] ι. τῆς παρὰ Σώσου καὶ Αἰγύπτου τῶν δ[.......]ν [.........] προχειρισθέντων ὑπὸ τοῦ πολιτεύματος τῶν Κρητῶν γεγραμμένης ἡμῖν ἐπιστολῆς ὑπὲρ τῶν τῶι Ἀσκληπιάδηι ἀνηκόντων ἀντίγραφον ὑπόκειται ὅπως εἰδῆις μετακείμενον αὐτὸν [...] καὶ γένηται ἀκολούθως τοῖς προστεταγμένοις. Σῶσος καὶ Αἴγυπτος Παγκράτει χαίρειν. ἐπεὶ προστέτακται διʼ ἡμῶν τοὺς κατοίκους ἱππεῖς ἐφο[.................] ἐπέσταλκέ μοι Ἀπολλόδωρος τῶν πρώτων φίλων ὁ ἐπιστάτης καὶ γραμματεὺς τῶν κατοίκων ἱππέων ἀπὸ τῶν ἐπικεχωρημένων τῶι πολιτεύματι τῶν Κρητῶν ἀνδρῶν φ Ἀσκληπιάδην Πτολεμαίου Μακεδόνα τῶν κατὰ μερίδα ἐφόδων ἐφʼ ὧι ἔχει κλῆρον περὶ Κερκεοσῖριν τῆς Πολέμωνος μερίδος ἀρουρῶν κδ. καλῶς οὖν ποιήσεις καταχωρίσας καὶ λαβὼν αὐτὸν ἐν τῆι πέμπτηι ἱππαρχίαι τῶν ἑκατονταρούρων καὶ τῶι Ἀπολλοδώρωι προσανενέγκας. ὑποτετάχαμεν δὲ καὶ τὴν εἰκόνα αὐτοῦ καὶ τοῦ υἱοῦ τὸ ὄνομα. ἔστιν δὲ ὡς ἐτῶν κβ βραχὺς μελίχρως κλαστὸς [....................] υἱὸς Πτολεμαῖος μηνῶν πέντε [---]

p.tebt.1.32_2

Εὐμήλωι