p.oxy.1.103_1

Αὐρηλίῳ Θεμιστοκλεῖ τῷ καὶ Διοσκουρίδῃ γυμνασιάρχῳ πρυτανεύσαντι βουλευτῇ τῆς λαμπρᾶς καὶ λαμπροτάτης Ὀξυρυγχειτῶν πόλεως διὰ Κορμιλίου βοηθοῦ, παρὰ Αὐρηλίων Λεωνίδου Θέωνος καὶ Διοσκόρου Ἀμμωνίου ἀμφοτέρων ἀπὸ τῆς αὐτῆς πόλεως. ἑκουσίως ἐπιδεχόμεθα μισθώσασθαι πρὸς μόνον τὸ ἐνεστὸς ια καὶ ἔνατον ἔτος ἀπὸ τῶν ὑπαρχόντων σοι περὶ τὸ Ἰσῖον Πανγᾶ ἐν περιχώματι Νέσλα κοινωνίας τοῦ ἀδελφοῦ σου Λευκαδίου ἄρουραν μίαν εἰς σπορὰν λινοκαλάμης, καὶ ἀντὶ φόρου παρασχεῖν σοι τῷ γεούχῳ ἥμισυ μέρος τῆς περιγινομένης λινοκαλάμης ἀπὸ τῆς γῆς, καὶ ἡμᾶς τοὺς μεμισθωμένους ἀνθʼ ἧς ποιούμεθα γεωργίας καὶ ὧν παρέχομεν σπερμάτων καὶ ἀναλωμάτων πάντων τὸ λοιπὸν ἥμισυ μέρος καὶ ὁλόκληρον τὸ λινόσπερμον ἀκίνδυνα πάντα παντὸς κινδύνου, τῶν τῆς γῆς δημοσίων ὄντων πρὸς σὲ τὸν γεοῦχον κυριεύοντα τῶν καρπῶν ἕως τὰ ὀφειλόμενα ἀπολάβῃς. βεβαιουμένης δὲ ἡμῖν τῆς ἐπιδοχῆς ἐπάναγκες ἀποδώσομεν τὸ ἥμισυ μέρος τῆς περιγινομένης λινοκαλάμης ἐπὶ τῆς λίμνης? τεταριχευμένης ἀνυπερθέτως τῷ δέοντι καιρῷ, γινομένης σοι τῆς πράξεως παρά τε ἡμῶν ἀλληλεγ’γύων ὄντων εἰς ἔκτισιν ὡς καθήκει. κυρία ἡ ἐπιδοχή, καὶ ἐπερωτηθέντες ὡμολογήσαμεν. ὑπατείας Καικινίου Σαβίνου καὶ Οὐετίου Ῥουφίνου τῶν λαμπροτάτων, Φαῶφι ιϛ. Αὐρήλιος Θεμιστοκλῆς ὁ καὶ Διοσκουρίδης διʼ ἐμοῦ Κορμιλίου βοηθοῦ ἔσχον τούτου τὸ ἴσον. ὑπερβολίου προσφερομένου προσδεχθήσεται.

p.oxy.1.103_2

Λεωνίδου καὶ Διοσκόρου στιπ’ποτιμητῶν.