p.grenf.2.26_1

ἔτους ιε τοῦ καὶ ιβ Ἁθὺρ κδ ἐν Παθύρει ἐφʼ Ἑρμίου τοῦ παρὰ Πανίσκου ἀγορανόμου. ὁμολογεῖ Ὧρος Παοῦτος Πέρσης τῆς ἐπιγονῆς συνλελύσθαι Πετεαρσεμθεῖ καὶ Πετεσούχωι καὶ Ψεννήσει καὶ Φαγώνι, τοῖς δ τοῦ Πανοβχούνιος τοῦ Ταρεήσιος τῆς Πατοῦτος τῆς Παοῦτος μητρὸς τοῦ προγεγραμμένου πατρὸς Ὥρου, ἀπέχειν καὶ μὴ ἐπικαλεῖν περὶ ὀφειλήματος συναλλαγμάτων Αἰγυπτίων καὶ Ἑλληνικῶν ἃ ἐξέτεισε Παοῦς ὁ Ὥρου πατὴρ καὶ ὁ αὐτὸς Ὧρος εἰς τὸν Ταρεήσιος λόγον τῆς αὐτοῦ μητρὸς τοῖς δανεισταῖς Χαιρήμωνι καὶ Ἐσθλαδᾷ καὶ Πνήφει γυναικὶ καὶ ἀδελφῇ · καὶ μὴ ἐπελεύσεσθαι Ὧρον μηδʼ ἄλλον μηδένα τῶν παρʼ αὐτοῦ ἐπὶ τὸν Πετεαρσεμθεία καὶ τοὺς ἀδελφοὺς μηδʼ ἐπʼ ἄλλον μηδένα τῶν παρʼ αὐτῶν. εἰ δὲ μή, ἥ τʼ ἔφοδος τῶι ἐπιπορευομένωι ἄκυρος ἔστω, καὶ προσαποτεισάτω ὁ ἐπελθῶν ἐπίτιμον παραχρῆμα χαλκοῦ τάλαντα ε καὶ ἱερὰς βασιλεῦσι ἀργυρίου ἐπισήμου δραχμὰς ρ, καὶ μηθὲν ἧσσον ἐπάναγκον αὐτοῖς ἔστω ποιεῖν κατὰ τὰ προγεγραμμένα. ὃ συνεπικελευούσης τῆς τούτων μητρὸς Θρῆρις τῆς Παῶτος συνευδοκοῦντες τῶν προγεγραμμένων. Ἑρμίας ὁ παρὰ Πανίσκου κεχρημάτικα.

p.grenf.2.26_2

ἐπίλυσις Πετεαρσεμθέως καὶ τῶν ἀδελφῶν.