TM 7324
(text of Papyri.info of September 2016)
Hover on a word for more info. Click on it to go to the detail page of the lemma.
bgu.6.1252
|gap=1_lines| [..] [....]ντων ἐξειληφότων τὴν θήραν τῶν ἀγρίων ὄρνεων εἰς τὸ ζ ἔτος τῆς τε προγεγραμμένης κώμης ὁμοίως δὲ καὶ Εὐημερίας, ὑπολιπομένων ἡμῶν κατὰ κοινὸν τόπους, ἐν οἷς ἔδει ἡμᾶς στήσαντας τὰ λίνα θηρεύσαντας τὰ ἐν αὐτοῖς κοιτάζοντα ὄρνεα ἀποδοῦναι τὸν καθήκοντα φόρον, τῆι δὲ νυκτὶ τῆι φερούσηι εἰς τὴν η τοῦ Τῦβι τοῦ ζ ἔτους προσαγγελέντος ἡμῖν Γενναίου τοῦ [.]οτου τῶν ἐκ τῆς αὐτῆς κώμης, ὃς καὶ συνθηρεύει ἡμῖν, καταβεβηκότος ἄνευ τῆς ἡμετέρας γνώμης καὶ θηρεύοντος ἐν αἷς ὑπολελείμμεθα κοίταις, ὅθεν παρʼ αὐτὸν τὸν καιρὸν προσορωρότες καὶ λαβόντες Ἁρμάιν φυλακίτην καὶ Πύρρον Πεταῦτος φυλακίτου υἱὸν ἐπελθόντες ἐπὶ τοὺς προδεδηλωμένους τόπους παρεδώκαμεν τόν τε Γενναῖον ὁμοίως δὲ καὶ τὰ λίνα αὐτοῦ ἑσταμένα · ἐπεὶ οὖν διὰ τὴν δηλουμένην αἰτίαν τυγχάνομεν βεβλαμμένοι εἰς κερκὴρ εἰς λόγον υ, προσαγγέλλομέν σοι ὅπως ἀναχθῆι ἐφʼ Ἡλᾶν τὸν ἐπιστάτην τῶν φυλακιτῶν καὶ τύχηι τῆς προσηκούσης ἐπιπλήξεως καὶ πραχθῆι τὰ δηλούμενα βλάβη, ἵνα δυνώμεθα ἀπροφασίστως τὸν φόρον ἀναπληρῶσαι. ἔτους ζ Τῦβι [..]Display options
Text:
- semi-regularized text without diacritics (add)
- omitting line breaks (add)
- omitting links to TM Words e.a. (add)
Highlights:
- with highlights of Places (omit)
- without highlights of People (add)
- without highlights of Gods (add)
- without highlights of Text Irregularities (add)
- without highlights of Dates (add)
Letters only:
- without exclusive highlights of Formulae (add)