TM 8955
(text of Papyri.info of September 2016)
Hover on a word for more info. Click on it to go to the detail page of the lemma.
chr.wilck.84
[.....] ____ Φλαυείωι Ἀπολλωνίωι Ἀρσινοείτου Ἡρακλείδου μερίδος παρὰ Ἡρᾶ κωμογραμματέως Νείλου πόλεως. ἀντὶ Ὤπεως Ἐνούπεως κληρωθέντος ἐκ τῆς τῶν εὐσχημόνων γραφῆς εἰς πρακτορίαν ἀργυρικῶν τῆς κώμης γνωσθέντος μοι εἶναι ἱερέως τοῦ ὄντος ἐν τῇ κώμῃ ἱεροῦ καὶ τῶν λειτουργιῶν ἀφεθέντων, καθὰ ἠξίωσαν οἱ ἀπὸ τῆς κώμης ἀναδεξάμενοι ἐκ συνκαταθέσεως τὰς λειτουργίας ἐπιβαλλούσας αὐτοῖς ἐκτελέσειν, ἀκολούθως τῷ παρακομισθέντι σοι βιβλιδίῳ μὲν ἐπὶ ὑπογραφῆς τοῦ κρατίστου ἐπιστρατήγου, ᾧ ἐνπεριείλημπται ἀντίγραφα ἐπιστολῶν δύο, μιᾶς μὲν Σκουτίου Ἀσκληπιοδότου, τὴν δὲ ἑτέραν σοῦ, καθʼ ἃς ἀντὶ ἑτέρου ἱερέως ἀπολυθέντος ἕτεροι εἰς κλῆρον πεμφθέντες ἐκληρώθησαν, καὶ τῷ ἐκ συνκαταθέσεως τῶν ἀπὸ τῆς κώμης γενομένῳ ἐπὶ Ποτάμωνος στρατηγήσαντος ὑπομνηματισμῷ δίδωμι τοὺς ὑπογεγραμμένους ὄντας εὐπόρους καὶ ἐπιτηδείους πεμφθησομένους εἰς κλῆρον τῷ κρατίστῳ ἐπιστρατήγῳ. εἰσὶ δὲ · Σαραπίων Καλ[..]υ Α, Διόσκορος Νείλου ἐπικαλουμένου Ο[....] Α. ἔτους ιη λο… Ἁθὺρ α [---]Display options
Text:
- semi-regularized text without diacritics (add)
- omitting line breaks (add)
- omitting links to TM Words e.a. (add)
Highlights:
- without highlights of Places (add)
- without highlights of People (add)
- without highlights of Gods (add)
- without highlights of Text Irregularities (add)
- with highlights of Dates (omit)
Letters only:
- without exclusive highlights of Formulae (add)