TM 9411
(text of Papyri.info of September 2016)
Hover on a word for more info. Click on it to go to the detail page of the lemma.
bgu.3.911
ἔτους τετάρτου Τιβερίου Καίσαρος Σεβαστοῦ μηνὸς Ὑπερβερεταίου ὀκτωκαιδεκάτῃ Μεσορὴ ιη ἐν τῇ Σοσκνοπαίου Νήσῳ τῆς Ἡρακλείδου μερίδος τοῦ Ἀρσινοίτου νομοῦ. ἐδάνεισεν Ὧρος Ἁρπαγάθου ὡς ἐτῶν τεσσαράκοντα οὐλὴ μέσῳ μετώπῳ Πανεφρόμμι Ἑριέως Πέρσῃ τῆς ἐπιγονῆς ὡς ἐτῶν ἑξήκοντα οὐλὴ μετώπῳ ἐξ ἀριστερῶν καὶ τῇ τούτου γυναικὶ Θερμούθι Σαταβοῦτος Περσίνῃ ὡς ἐτῶν λε ὑποσκνίφῳ οὐλὴ ἀντικνημίῳ ἀριστερῷ μετὰ κυρίου τοῦ προγεγραμμένου ἀνδρὸς ἐγγύοις ἀλλήλων εἰς ἔκτισιν ἔχειν παρὰ αὐτοῦ διὰ χειρὸς ἐξ οἴκου ἀργυρίου ἐπισήμου κεφαλαίου δοκίμου νομίσματος δραχμὰς ὀγδοήκοντα τέσσαρας τόκου ὡς δραχμῆς μιᾶς τῇ μνᾷ τὸν μῆνα ἕκαστον. τὸ δὲ δάνειον τοῦτο τῶν τοῦ ἀργυρίου δραχμῶν ὀγδοήκοντα τεσσάρων ἀποδότωσαν οἱ δεδανεισμένοι τῷ Ὥρῳ ἢ τοῖς παρʼ αὐτοῦ ἐν μηνὶ Φαρμοῦθι τοῦ εἰσιόντος πέμπτου ἔτους Τιβερίου Καίσαρος Σεβαστοῦ [.............] Πανεφρόμμις καὶ ἡ γυνὴ αὐτοῦ · ἐὰν δὲ μὴ ἀποδῶσι καθὼς πρόκειται, ἀποτισάτωσαν τὸ μὲν δάνειον ἡμιόλιον, τοὺς δὲ τόκους ἁπλοῦς, τῆς πράξεως τῇ Ὥρῳ καὶ τοῖς παρʼ αὐτοῦ οὔσης ἔκ τε τῶν δεδανεισμένων καὶ ἐκ τῶν ὑπαρχόντων αὐτῶν πάντων καθάπερ ἐκ δίκης. [--------------------]Display options
Text:
- semi-regularized text without diacritics (add)
- omitting line breaks (add)
- omitting links to TM Words e.a. (add)
Highlights:
- without highlights of Places (add)
- without highlights of People (add)
- without highlights of Gods (add)
- without highlights of Text Irregularities (add)
- without highlights of Dates (add)
Letters only:
- without exclusive highlights of Formulae (add)