p.col.4.90_1

ὑπόμνημα Ζηνοδώρου. ε[---] νος τῶν παίδων τῶν πρότερον [---] τῶν κατὰ Φιλαδέλφειαν [.] πρὸς τῶι ταμιείωι [---] μετὰ τοῦ βασιλικοῦ γραμματέως καὶ τοῦ κωμογραμματέως πρ[---] σιδήρου καὶ τῶν λοιπῶν τῶν παρακομιζομένων εἰς Φιλαδέλφειαν συνέφη διαφωνῆσαι δικέλλας ιε. Εὐκλῆς δέ με ὁ οἰκονόμος ἀναγκάζει ἀποκαταστῆσαι μόνον. ἐμοὶ δὲ προσοφείλεται ὀψώνιον τοῦ β ἔτους μηνῶν δ καὶ τοῦ γ ἔτους μηνῶν γ, γίνονται μῆνες ζ, ὡς τοῦ μηνὸς δραχμαὶ ε, γίνονται δραχμαὶ λε, καὶ ἱματισμὸς ἐτῶν γ, ὡς τοῦ ἐνιαυτοῦ δραχμαὶ κ, γίνονται δραχμαὶ ξ, γίνονται δραχμαὶ ϙε χωρὶς τῆς ἐλαιομετρίας. δέομαι οὖν σου ὅπως αἵ τε δίκελλαι, ἐπειδὴ μόνος πράσσομαι, ἀποκατασταθῶσιν, αὐτός τε μὴ περισπῶμαι ὑπὸ τοῦ πράκτορος, συντάξαι Ἑρμαφίλωι ἐπισκεψάμενον τὸ προσοφειλόμενον ὀψώνιον καὶ ἱματισμὸν ἀποδοθῆναι ὅπως πρὸς τὰ ταμιευτικὰ μηθὲν διαφωνῆι. ἔστιν δὲ τὸ προσοφειλόμενον καθότι ἐπέδωκεν Ἀπολλώνιος ὁ γραμματεύς. ἀπὸ Μεχεὶρ ἕως Παχὼνς τοῦ β ἔτους ὀψώνιον χαλκοῦ δραχμαὶ κ καὶ ἐλαιομετρία μηνῶν δ κοτύλαι η ἀνὰ διώβολον β τετρώβολον καὶ τοῦ γ ἔτους ἀπὸ Ἁθὺρ ἕως Τῦβι, μηνῶν γ ὀψώνιον δραχμαὶ ιε καὶ ἐλαιομετρία κοτύλαι ϛ ἀνὰ διώβολον δραχμαὶ β καὶ ἱματισμὸς τοῦ β ἔτους χαλκοῦ δραχμαὶ κ καὶ τοῦ γ ἔτους ὡσαύτως χαλκοῦ δραχμαὶ κ. γίνονται δραχμαὶ οθ τετρώβολον. γίνεται κεφάλαιον μ ἀνὰ β, δραχμαὶ π.

p.col.4.90_2

[---][.] Ἀπολλωνίωι.