p.bad.4.91_3

⳨ μετὰ τὴν ὑπατείαν Φλαουίου Ἰορδάνου καὶ Σευήρου τῶν λαμπροτάτων, Φαμενὼθ κη, θ ἰνδικτιόνος. Αὐρηλίοις Φοιβάμμωνι Βασιλείδου καὶ τῇ τούτου γυναικὶ Ταυρίνῃ ἀπὸ τῆς Ἑρμουπολιτῶν παρὰ Αὐρηλίου Ἐλευθερίου Ταυρίνου μετὰ Εἰρήνης Μαγίρου ἀπὸ τῆς αὐτῆς πόλεως · ὁμολογῶ ἑκουσίως καὶ αὐθαιρέτως μεμισθῶσθαι παρά σου ἐφʼ ὃν βούλει χρόνον λογιζόμενον ἀπὸ νεομηνίας τοῦ εἰσιόντος μηνὸς Φαρμοῦθι τῆς παρούσης ἐνάτης ἰνδικτίονος τὸ ὑπάρχον κληρωθὲν ὑμῖν παρὰ Εὐδαιμονίδος Ἑρμείνου μονάζοντος καὶ Πνιαμίας Ἡρακλάμμωνος δίμοιρον μέρος οἰκίας πάσης ὁλοκλήρου μόνον ἐπὶ ἐδάφη καὶ χρηστήρια σύνπαντα οἵας ἐστὶ διαθέσεως καὶ τρίτον μέρος τοῦ ἐκεῖσε φρέατος ἐνόντα ἐν Ἑρμουπόλει ἐπʼ ἀμφόδου Φρουρίου ἀπηλιώτου, σοὶ συμπαρέχοντός μου πρὸς οἴκησίν μου καὶ χρῆσιν ἐνοικίου κατὰ μῆνα ἀργυρίου ταλάντων ἑκατὸν, ὅπερ ἐνοίκιον ἀποδώσω σοι πρὸς λῆξιν ἑκάστου μηνὸς ἀνυπερθέτως καὶ ὁπόταν βουληθῇς ἔχειν, παραδώσω σοι τὸ αὐτὸ δίμοιρον μέρος οἰκίας ἐπὶ θύραις καὶ κλεισί, ὡς παρείληφα. ἡ μίσθωσις κυρία καὶ ἐπερωτηθεὶς ω῾μολόγησα. Αὐρήλιος Ἐλευθερίου Ταυρίνου μεμίσθωμαι, ὡς πρόκειται. Αὐρήλιος Φοιβάμμων Ἰωάννου ἀπὸ Ἑρμουπόλεως ἀξιωθεὶς ἔγραψα ὑπὲρ αὐτοῦ γράμματα μὴ εἰδότος. ⳨ Αὐρήλιος Φοιβάμμων Βασιλείδου μαρτυρῶ. Αὐρήλιος? Κολλοῦθος Ἐπιμελοῦς ἀπὸ Ἑρμουπόλεως μαρτυρῶ τῇ μισθώσει. ⳨ διʼ ἐμοῦ Ἰωάννου ἐγράφη.