cpr.18.7

Πτολεμαῖος Ἀσκληπιάδου Πέρσης τῆς ἐπιγονῆς [..] καλεῖται ἐμίσθωσεν Ἰωναθᾶι Ἰωναθοῦ καὶ Ἀπολλωνίωι Φιλίππου τοῖς δύο Ἰουδαίοις τῆς ἐπιγονῆς τὸν ὑπάρχοντα αὐτῶι ἀμπελῶνα περὶ Τεπτῦνιν εἰς ἐνιαυτὸν ἀπὸ μηνὸς Ἀρτεμισίου τοῦ ιϛ ἔτους φόρου τακτοῦ οἴνου μετρητῶν Ἀρσινοικῶν ὀγδοήκοντα πέντε. τὰ δὲ γινόμενα εἰς τὸ βασιλικὸν πάντα τασσέσθω Πτολεμαῖος. ἀποδότωσαν δὲ Ἰωναθᾶς καὶ Ἀπολλώνιος Πτολεμαίωι ἐκ τοῦ ἀμπελῶνος τοὺς ὀγδοήκοντα πέντε μετρητὰς τοῦ οἴνου ἐν μηνὶ Αἰγυπτίων Μεσορὴ κέραμον αὐτῶι χορηγοῦντος. κατεργαζέσθωσαν Ἰωναθᾶς καὶ Ἀπολλώνιος τὸν ἀμπελῶνα τὰ ἐφέτεια ἔργα. ἔχει δὲ Πτολεμαῖος παρὰ Ἰωναθοῦ καὶ Ἀπολλωνίου χαλκοῦ δραχμὰς τετρακοσίας, ἃς ἀποδότω ἐπὶ ληνοῦ τοῦ αὐτοῦ ἔτους. συγγραφοφύλαξ Φιλόπατρος Τηροῦς Ἰουδαῖος τῆς ἐπιγονῆς. ἦν Πτολεμαῖος ὡς ἐτῶν λδ εὐμεγέθης [---] [...........] οὐλὴ παρʼ ὀφρῦν δεξιάν. Ἰωναθᾶς ὡς ἐτῶν [.........] μέσος μελίχρως [.] Ἀπολλώνιος ὡς ἐτῶν λη μέσος μελίχρως [...][---] οὐλὴ [....] Φιλόπατρος ὡς ἐτῶν νγ [.] μελίχρως μακροπρόσωπος οὐλὴ δ[.] ἀναφάλανθος. ἐγράφη ἔτους ιϛ Ἀρτεμισίου.